💌 Log Kya KahengeIssue #21 — Aaj ki class: “Overthinking 101 – Giving F*cks in All the Wrong Places”

🧠 Monologue of the Week:

Aaj ki class mein pata chala — galti humse nahi hui thi, system hi scam tha.

"Beta, Science le lo. Ghar mein izzat milegi."
"Engineering kar lo. Safe future milega."
"Log kya kahenge agar Arts li?"

Aur hum?
Ek confused sperm se directly confused engineer ban gaye. 🫠

4 saal pehle, humne career nahi choose kiya…
Career ne hume force select kar liya.
Jab tak samajh aaya ki “mujhe kya chahiye”, tab tak toh degree ka PDF download ho gaya tha.

Kabhi kabhi lagta hai ki hum sab ek mass hallucination mein jee rahe hain.
Sab ke sapne ek jaise:

Matlab socho na –
Itna overthink toh humne kabhi crush ke reply pe bhi nahi kiya, jitna apne life ke direction pe kar rahe hain.
Aur irony?
Life ka steering wheel kisi aur ke haath mein hai.

👀 Ek Minute Ka Flashback:

• Humne science li, kyunki Papa doctor banna chahte the.

• Humne engineering ki, kyunki Mummy ke bhai ka beta IIT mein tha.

• Ab job kar rahe hain, kyunki kisi ko bhi nahi pata hum aur kya kar sakte hain.

Aur phir raat ko Maggi banate waqt, dil se awaaz aati hai:
"Kya main galat train mein chadh gaya hoon?"

Point ye hai ki is overthinking me maza aa rh tha "Yaar, main ye sab chhod ke kuch aur bhi toh kar sakta hoon?"

Apna khud ka career ka music video chal raha tha dimaag mein pr fir ata hai reality ka chaata muh pr

Aur humne apne sapne ka file quietly Ctrl + S karke, Drafts mein wapas daal diya.