💌 Log Kya Kahenge“Andar Se Khaali, Bahar Se Theek.”

Ajib sa ehsaas hai aaj.
Koi wajah nahi, koi tension nahi, koi heartbreak bhi nahi.
Bas mann... oob gaya hai.
Wahi Shor Wahi Awwazein

Roz subah naya din nikalta hai,
Main Wahi Purana hu
Dunia wahi purani hai waise hi chale jaa rhi hai

Wahi notifications, wahi coffee, wahi plans.
Zindagi ek loop ban gayi hai REFRESH dabao to bhi wahi tabs khul jaate hai.
Aur mann poochta hai, yeh sab chal kya raha hai?

Sab apna-apna race bhaag rahe hai
“koi ghar nahi ja paa raha, aur koi ghar se bhagne ke liye taiyaar hai.”
Bas jo jahan hai, khush nahi hai.
Kisi ko time nahi milta, kisi ke paas time hi time hai.
Kisi ko love life chahiye, kisi ko peace.
Aur jab sab mil jaata hai na… tab bhi mann ke andar ek khaali jagah reh jaati hai.

Aur sab bolte hai — “sab theek hai na?”
Haan haan, sab theek hi toh hai.
Sirf andar se sab theek nahi hai.
Par wo bolenge to log kya kahenge, na?

Kyunki duniya me sab bas ek cheez se darte hai
khul ke sach bol dene se.
Aur jab tak hum apni haalat chhupate rahenge,
yeh “sab theek hai” ek global lie bana rahega.

Toh aaj Babli Aunty bol rahi hai
agar sab theek nahi hai, toh theek hai.
Zindagi koi Instagram reel nahi hoti,
kabhi kabhi buffering bhi chalti hai.