Frustrated Engineery: Placement ka asli Tamasha 📢

“Placement ka mahaul hai…
Darshak yani students, subah ke 8 baje uthne ka waqt ho gaya hai.
Aaj phir shuru hoga ek naya drama - koi apna resume lekar bathroom tak jayega,
koi apni crush ko mock interview karvayega, aur koi LinkedIn pe ‘I’m humbled’ wala post likhne ki practice karega.

Ghar ke andar yani campus mein, contestants yani students do categories mein bante ja rahe hain:
Ek jo apne offer letters ki selfie ready kar rahe hain…
Aur dusre jo eligibility list ke column mein apna naam dhundh rahe hain, par mil hi nahi raha.

Bahar ki duniya ke liye yeh sirf placements hain…
Par andar ke baccho ke liye yeh hai ek full Bigg Boss ka season :-
with extra drama, extra rona-dhona, aur thoda sa dosti ka dhokha bhi.”
Bigg Boss chahte hain ki sab candidates apna resume taiyaar karein… aur interview room mein ghanti bajne se pehle apni kismat ka faisla kar lein

😤 “Kaisa lagta hai jab lage tumse zyada worthless koi nahi?
Sab placements ke liye daud rahe hain, aur tum eligible bhi nahi.
Rejection ek dard hai… par eligibility hi na mile toh woh aur bada thappad lagta hai
Tab sirf regret rehta hai:
us din 2 ghante aur padh leta, ek sutta break kam kar leta,
toh shayad main bhi baitha hota interview hall me.

Aur sabse bada dard? Jab dost placed hote hain.
Khushi hoti hai unke liye, par insecurity apne liye.
Motivation kam, jalan zyada. Dosti aur bhaichara peeche reh jaata hai, aur race shuru ho jaati hai.

Kabhi lagta hai hum sab ek hi train mein hain , seats limited hain.
Jo pehle chadh gaya usne darwaza bandh kar diya… aur tum platform pe bas khade dekh rahe ho.”

Campus ka mahaul sbka sach le ata hai.
Bacche formals mein daude ja rahe hain, WhatsApp groups me rumors ud rahe hain, aur LinkedIn pe sab ‘humbled, blessed, honored’ likh rahe hain
Tum bas screen ke peeche se dekh rahe ho aur soch rahe ho mere paas kya hai?
Aur phir… camera zoom karta hai jealous chehron par.
Jo select ho gaye, unki khushi ,
aur jo nahi hue, unke fake smiles or andar ka dard sabko clearly dikh raha hai.
Yaha na asli sach nikal ke aata hai,
jealousy ka rang sabke chehre par barabar lag jaata hai. sochte ho samne wale ko kaise aisa use kare ki khud ooper chale jaye
ye sbke sath hota hai or yahi SATYA hai!!

🌟 “Haan, abhi lagta hai sab race hai, unhealthy competition hai, stepping stones hai. Parr Hero to last me hi entry leta hai.
Toh yeh bhi samajh lo tumhari kahani abhi interval par hai. Picture baaki hai mere dost… aur ek din tum bhi offer letter haath me leke kahoge: ‘Log kya kahenge? Aaj toh sirf congratulations kahenge.’”

Agar tum logo ke pass better backups hai to bataooo ::———